Kids with Arthritis

Pan ydyn ni'n iach a chryf, mae adeiladwaith cymharol fychan ein dwy droed yn cynnal pwysau'r corff cyfan. Mae trefn bendant ar sut mae pob troed yn taro'r ddaear, yn derbyn pwysau'r corff, ac yn gwthio oddi ar y ddaear wrth i'r corff drosglwyddo'i bwysau i'r droed arall. Rydyn ni'n dysgu'r drefn yn ystod ein blynyddoedd cynnar ac o hynny ymlaen yn cymryd pob cam di-boen yn ganiataol.

Fe all unrhyw boen, chwydd neu stiffrwydd yng ngwaelod cefn plentyn, yn ei gluniau, pengliniau neu fferau amharu ar swydd cynnal pwysau normal traed y plentyn. Hefyd fe all unrhyw glefyd arthritig yn y troed ei hun (ym mlaen neu gefn y troed) amharu ar adeiladwaith ystwyth normal y troed gan achosi poen sylweddol neu anffurfio posibl.

Mae monitro traed eich plentyn a'i phatrwm cerdded, felly, yn flaenoriaeth bwysig. Fe all meddyg yr ysbyty neu'r meddyg teulu wneud hyn ond fe fyddai cael mynd at driniwr traed yn fuddiol.

Ceisiwch help y triniwr traed yn gynnar a helpwch nhw i fonitro traed eich plentyn. Mae camosodiad yn y fferau a'r traed yn gymhlethdodau cyffredin sydd angen help proffesiynol. Mae mewnwadnau wedi'u gwneud yn arbennig i'ch plentyn yn llawer mwy effeithiol na'r rhai 'oddi ar y silff'. Gofynnwch i'ch meddyg teulu neu'ch ymgynghorydd eich anfon at driniwr traed y GIG a fedr wneud pār o fewnwadnau sy'n help i rwystro anffurfiadau ac yn lleddfu poen.

Awgrymiadau cyffredinol

Prynwch yr esgidiau ysgafnaf posibl.
Ewch i siopa yn y prynhawn i wneud yn siwr eich bod yn cael esdigiau o'r maint iawn os yw traed eich plentyn yn chwyddo.
Fe ddylai esgidiau modern fod yn gyfforddus ar unwaith; ddylai dim bod angen 'cyfarwyddo' ā nhw.
Chwiliwch am esgidiau ā mewnwadnau rhychog. Mae'r rhain yn help i gynnal y traed ac yn lleddfu poen.
Ceisiwch gael gafael ar esgidiau sy'n siglo mymryn ar lawr gwastad. Mae'r rhain yn haws i blant na rhai sy'n sefyll yn fflat ar lawr lefel. Ambell dro fe gān nhw'u galw yn esgidiau 'siglo'.
Falle bydd raid cael 'trainers' ar gyfer yr ysgol. Dewiswch rai ysgafn ā blaen amddiffynnol, a gwadnau rwber/plastig meddal da.
Gadewch i'ch plentyn gael un pār o esgidiau ffasiynol trendi ar gyfer achlysuron arbennig gyda'i ffrindiau. Mae hyn yn codi eu calon yn fawr gan eu bod yn gorfod gwisgo esgidiau 'synhwyrol' weddill yr amser.
Falle bydd careiau yn haws i'w defnyddio na ffasnin Velcro, felly helpwch eich plentyn i ddysgu cau careiau gynted ā phosibl.

Mae Foot Health Register yn cadw rhestr wedi'i diweddaru o siopau esgidiau sy'n mesur traed plant yn broffesiynol. Cysylltwch ā

Esgidiau

Awgrymiadau cyffredinol